Ég fyrirgef þér

Kæra manneskja.

Ég hef núna lengi vel haldið í reiðina og gremjuna sem það fylgdi því að hata þig. Ef ég á að vera hreinskilin fannst mér það gott að hata þig, ég var háð adrenalíninu sem reiðin gaf mér þegar ég talaði um þig og hvað þú gerðir mér, hvað þú særðir mig meira en nokkur manneskja hefur gert áður.

En ég ákvað það að ég vildi vera betri útgáfa af sjálfri mér fyrir mig og fjölskylduna mína. Partur af því að verða betri útgáfa af sjálfri mér er að komast yfir reiðina og gremjuna.. og ég geri það með því að fyrirgefa þér.

Ég var svo lengi föst í því, af hverju ætti ég að fyrirgefa þér? Þú átt ekki skilið fyrirgefninguna mína eftir það sem þú gerðir! Ég var hrædd um að tapa, að ef ég myndi fyrirgefa þér væri ég að afsaka eða réttlæta það sem þú gerðir og segja að það væri allt í lagi. Ég hélt að með því að fyrirgefa þér þyrfti ég að setjast niður með þér og tala um þetta allt, að eftir að ég myndi fyrirgefa þér þyrfti ég að gleyma öllu.

Það sem þú gerðir var rangt, kannski sérðu það ekki sjálf/ur og kannski finnst þér eins og ég sé fíflið í þessu öllu.. ég þarf ekki afsökunarbeðni frá þér og ég þarf ekki að tala við þig aftur, þú þarft ekki einu sinni að vera partur af þessu ferli ef ég vill það ekki.

Með því að fyrirgefa þér er ég að sætta mig við raunveruleikan af því sem gerðist og finna leið til að lifa með því í sátt. Með því að fyrirgefa þér er ég að ná að sleppa takinu á þessari reiði og gremju. Með því að fyrirgefa þér fæ ég loksins frelsi til að vera hamingjusöm, með því að fyrirgefa þér er ég núna loksins að finna fyrir frið innra með mér og stíg eitt skref nær því að verða manneskjan sem ég vill verða.

Ég átta mig á því núna að fyrirgefa er einhvað sem ég geri fyrir sjálfa mig.

Takk fyrir að kenna mér þetta.

Ég fyrirgef þér.

Kveðja,

Saga


Lykillinn að hamingjusömu sambandi?

Fyrir nokkrum mánuðum sat ég og var að spjalla við hjón, þau voru bæði komin yfir 90 árin og búin að vera saman frá því þau voru unglingar. Þau voru alltaf svo hamingjusöm, svo góð, hlýleg og indæl.
Þau sögðu mér helling af sögum frá því þau voru ung, bæði frá góðum og slæmum tímum. Ég spurði þau svo að því hver lykillinn að löngu og hamingjusömu sambandi er, þau sögðu mér að það væri að rífast ekki.

Vissulega er maður aldrei alltaf sammála og getur oft lennt í því að þræta um hlutina, en þau sögðu að ekkert rifrildi er þess virði að leggja á sambandið. Setjast frekar niður og tala um hlutina og þegar þeir hafa verið ræddir er það bara búið. Ekki rifja upp mistök eða gömul rifrildi þegar þið eruð ósammála bara til að reyna ná höggi á hinn aðilan.

img_2484

„Hreiðurgerð“

Ég sýndi aðeins frá því að “hreiðurgerðin” væri núna að byrja hjá mér inná maedur.com snappinu. Ég sýndi líka þar að ég væri byjuð að gera lista svo ég ætti auðveldara með að sjá hvað mig vantar og hvað ég væri komin með.
Ég ákvað að deila þessum lista með ykkur og vona að þið verðandi mæður og feður getið nýtt ykkur hann einhvað.

Skiptiaðstaðan

  • Ungbarnableyjur
  • Taubleyjur
  • Blautþurrkur
  • Eyrnapinna(barna)
  • Sótthreinsandi lausn fyrir naflan
  • Bossakrem
  • Skiptidýna
  • Ruslatunna
  • Fílupokar □

Baðtíminn

  • Bali
  • Baðhitamælir
  • Handklæði(3stk.)
  • Barnaolía

Fyrir svefninn

  • Vagga
  • rimlarúm
  • Sæng
  • órói á rúmið
  • sængurver(3Stk.)
  • teygjulök(3stk)
  • pissulak
  • barnapíutæki
  • Vagn
  • Kerrupoki

Brjóstagjöfin

  • Brjóstagjafapúði
  • brjóstakrem
  • brjóstainnlegg
  • gjafahaldari
  • gjafabolir

föt 0-3 mánaða

  • Náttgallar (7Stk.)
  • Stutterma samfellur (7Stk.)
  • Langerma samfellur (7Stk.)
  • Sokkabuxur (7Stk.)
  • Peysur (5Stk.)
  • Hlýjar peysur (3Stk.) □
  • Buxur(5Stk.)
  • Bolir (5 stk)
  • Sokkar (5Stk.)
  • Þunnar húfur(2Stk.)
  • Þunnir vetlingar (2Stk)
  • Kjólar(2-3 Stk.) □

Útiföt 0-3 mánaða

  • Flísföt
  • Galli
  • Hlýjar húfur(2stk.)
  • Hlýjir vetlingar(2Stk.)
  • Hlýjir sokkar (2Stk.)
  • Kragi(1Stk.)

Annað

  • Leikteppi □

  • Ömmustóll □

  • Slefsmekkir □

  • Skiptitaska □

  • Nefsuga, naglaklippur og eyrnamælir □

  • Bílstóll □

  • Teppi □

  • Snuð og peli □

Þið megið svo endilega láta mig vita ef ég er að gleyma einhverju nauðslynlegu eða einhvað “must have” sem ykkur finnst að ætti að vera á þessum lista. Svo á ég eftir að gera lista fyrir föt 3-6 mánaða en ég bæti honum inn seinna.

Vona þetta komi ykkur að góðum notum.

Saga logo

Panna Cotta/ auðveldur eftirréttur fyrir tvo

Við Silli erum að fara halda uppá áramótin bara tvö saman og ætlum að prufa í fyrsta skiptið að elda hátíðarmat! Erum ótrúlega spennt fyrir því hvernig allt mun heppnast!

Ég var í fyrsta skiptið að gera einhvern annan eftirrétt en súkkulaðiköku, hann heppnaðist alveg ótrúlega vel og mig langar að deila með ykkur uppskriftinni.

Það sem þú þarft:

  • 5Dl rjómi
  • 1Msk hunang
  • 2Msk vanillusykur
  • 1 vanillustöng
  • 80g saxað hvítt súkkulaði
  • 2plötur matarlím

Aðferð:

  1. Þú byrjar á að setja matarlímsplöturnar í skál af vatni, þær þurfa ligga í bleyti í minnst 5mínutur.
  2. Blandar í pottinn rjómanum, hunanginiu, vanillusykrinum, súkkulaðinu og vanillustönginni (skerð hana opna og notar kornin innan úr henni, ekki setja stöngina sjálfa í pottinn).
  3. Kveikir undir pottinum (ég hafði hann stilltan á 2 af 3), hrærir vel í pottinum þar til það er farið að rjúka úr honum og þetta er nánast komið við suðu(ekki samt láta suðuna koma upp) og tekur þá pottinn af hellunni.
  4. Tekur svo matarlímsplöturnar og kreistir allan auka vökva úr þeim, setur þær svo í pottinn og hrærir vel í honum þar til plöturnar eru bráðnar.
  5. Hellir svo í glös eða einhver falleg ílát og setur inn í kæli í minnst 3 klst eða þar til þú getur snúið glasinu án þess að þetta leki úr.
  6. Svo má alltaf skreyta með súkkulaði eða hindberjasósu, ég notaði jarðaber,súkkulaði spænir og súkkulaði skraut.

Ég sýndi á snapchat hvernig ég gerði súkkulaði skrautið og ætla skrifa líka eld snöggt um það.

Það sem þú þarft:

Súkkulaði

Aðferð:

  1. Ef þú ert með súkkulaði plötur þarftu að saxa þær niður, þess vegna finnst mer best að nota spænir!
  2. Setur súkkulaðið í skál og inn í örbylgjuofninn í 30 sek,tekur út og hrærir í súkkulaðinu. Það gæti sýnst fyrst þegar þú tekur það út að það hafi ekkert bráðnað en þegar þú hrærir í skálinni sérðu að það var meira bráðið en það virtist
  3. Endurtaka fyrra skref 1-2 í viðbót eða þar til súkkulaðið er að mestu bráðið. Ekki hita í meira en 30-40 sek því annars gætiru brennt súkkulaðið eða skemmt það.
  4. Settu núna súkkulaðið í lítinn plastpoka og klipptu smá af horninu á pokanum þannig þú ert búin að búa til sprautu.
  5. Sprautaðu súkkulaðinu eins og þú vilt að skrautið verði á bökunarpappír og biddu þar til það kólnar, þegar súkkulaðið byrjar að kólna harðnar það aftur

Svo er það bara borða og njóta✨

Gleðilega hátíð og takk fyrir árið sem er að líða✨

Grjónagrautur fyrir byrjendur

Mig langar að deila með ykkur auðveldri uppskrift af grjónagraut fyrir 2-3 manns, hann henntar mjög vel fyrir þá sem eru ný byrjaðir að búa eða þeim sem eru ný byrjaðir að elda.

Það sem þú þarft!

  • 1,5dl af grautagrjónum
  • 2dl vatn
  • 8dl mjólk
  • 1/2 tsk salt
  • 1tsk Vaniludropar

Aðferð

  1. Settu grjónin, vatnið og saltið saman í pott á hæðsta hitann.
  2. Leyfðu grjónunum að sjóða í 2mínutur og bættu svo 5dl af mjólk útí ásamt vaniludropunum.
  3. Þegar grauturinn byrjaður að bullsjóða lækkaðu þá hitan í lægsta hitann.
  4. Hrærðu af og til í grautnum þar til hann er byrjaður að þykkjast.
  5. Bættu 3dl af vatni í grautuinn og hækkaðu aftur í hæðsta hitann.
  6. Þegar grauturinn er aftur farinn að sjóða lækkaðu niður í lægsta hitan og hrærðu af og til í grautnum þar til hann er orðinn þykkur.

Tips!

  • Ekki byrja gera grautinn nema þú eigir allavega 1líter af mjólk!
  • Nýmjólk er best í grjónan
  • Þú mátt sleppa vaniludropunum en grauturinn er að mínu mati betri með smá vanilu í
  • Í staðin fyrir vaniludropana geturu notað vanilustöng(skerð hana opna,skefur úr stönginni og setur í pottinn ásamt stönginni sjálfri, tekur svo stöngina úr þegar grauturinn er tilbúinn).
  • Í fyrstu skiptin sem þú ert að gera grjónagraut reiknaðu með klukkutíma í verkið og helst ekki fara langt frá pottinum meðan þú ert að elda því annars eru allar líkur á að þú brennir grautinn

 

Uppáhalds meðgöngufötin

S0000007095107_F_W40_20131213081442_1024x1024.pngÞessar meðgöngu leggings hef ég notað alveg óspart síðan ég var bara komin 12 vikur á leið! Ég fékk þær þá að láni hjá vinkonu minni en var svo ekki lengi að hlaupa í Lindex og kaupa mér aðrar! þær rúllast ekki niður, hafa ekkert minnkað í þvotti og skemmdi alls ekki fyrir hversu ódýrar þær voru!

hmprod

 

 

Brjóstagjafatoppar? já! Brjóstin stækka..ekkert lítið og eru ennþá að stækka. Mér byrjaði fyrst að finnast óþæginlegt að nota brjóstarhaldara með spöngum þannig ég byrjaði bara að nota toppa, sem voru svo fljótir að verða of litlir.

hmprod (1)

 

 

 

Þessi Langerma-peysa er mjög þæginleg og ég kem örugglega til með að nota hana mikið eftir að Ólafía er komin í heiminn. Hún er mjög þunn sem er æðislegt því þessa dagana virðist ég alltaf vera deyja úr hita!

hmprod (2)

Smekkbuxur! Okei mig hafði núna í  nokkur ár dauð langað í smekkbuxur en alltaf fundið afsökun til að kaupa þær ekki og jesús hvað ég sé eftir því að hafa ekki keypt smekkbuxur fyrr! ég þarf ekkert að pæla í hvort buxurnar séu að rúllast niður og það sjáist í rassaskoruna,þær eru ekkert þröngar um mittið,auðvelt að fara í og úr þeim, svo eru þær líka svo sjúklega sætar!!

 

 

 

 

Ég vona þessi færsla geti hjálpað einhvað ef þið eruð í vandræðum með að velja meðgönguföt. Eina sem ég ráðlegg er að kaupa ekki of dýr eða of mikið af meðgöngufötum.

 

Saga logo


My favorite maternity wear

I’ve been using these maternity leggings almost daily!I then borrowed from my friend when I was only 12 weeks pregnant but it didn’t take a long time for me to go to Lindex and buy another pair. They don’t roll down, don’t shrink in the washing machine and they were really cheap!

Breastfeeding top? Yes! The boobs get bigger!A LOT bigger! I began to feel uncomfortable using bras , so I just started using spikes but it didn’t take a long time before I got to big for them.

This long-sleeved sweater is very comfortable and I can and will use it a lot after Ólafía is born. She is very thin which is awesome because these days I’m always hot

Overalls! Okay, for a couple of years, I had wanted to buy my a pair, but always found excuse not to buy them and Jesus was that a mistake! I don’t have to worry about whether the pants are rolling down or if you can see my panties. They are easy to get into and to take them of, and they are so cute!

I hope this post can help someone if you’re have trouble choosing a maternity wear. The only thing I advise is not to buy too many or expensive maternity wears.